गानसम्राज्ञी लता मंगेशकर यांच्या नावे सन 1993 पासून संगीत/गायन क्षेत्रातील मान्यवर व्यक्तीस पुरस्कार प्रदान करण्यात येतो. याकरिता शासन मान्य समिती आहे.
पुरस्काराचे स्वरुप
1) रु.5 लक्ष रोख
2) मानपत्र
3) शाल
4) सन्मानचिन्ह असे आहे.

1) संक्षिप्त शिर्षक आणि व्याप्ती :- महाराष्ट्रातील गायन/संगीत या कलाक्षेत्रात प्रदीर्घ काळ उल्लेखनीय कार्य केलेल्या कलाकारांना गानसम्राज्ञी लता मंगेशकर पुरस्कार देऊन गौरव करणे व त्याद्वारे कलाक्षेत्राच्या विकासाला उत्तेजन देणे ही या पुरस्काराची उद्दिष्टे आहेत. राष्ट्रीय स्तरावरील पुरस्कारांची संख्या कमी असल्यामुळे महाराष्ट्रातील इतर अनेक कलावतांची पात्रता असूनही राष्ट्रीय पुरस्कारापासून वंचित राहावे लागते. त्यामुळे अशा कलाकारांना सदर पुरस्कारासाठी विचार करण्यात येतो.

2) पुरस्काराचे स्वरुप :- पुरस्कारात खालील गोष्टींचा समावेश आहे-
   अ) रुपये 5 लक्ष रोख
   ब) शाल
   क) सन्मानचिन्ह
   ड) मानपत्र

3) पुरस्काराचे क्षेत्र :- गायन व संगीत कलेच्या क्षेत्रात फक्त एका ज्येष्ठ कलाकार व्यक्तीची या पुरस्कारासाठी निवड करण्यात येते.

4) पुरस्कारासाठी पात्रता :-
अ) जे संगीत व गायन क्षेत्रात चिकाटीने/एकनिष्ठेने सातत्याने प्रदिर्घ काळ काम करीत आहेत अशा ज्येष्ठ, ख्यातनाम आणि राज्याला गौरव प्राप्त करुन देणारा कलाकार पुरस्कारासाठी पात्र आहे.
ब) असा कलाकार सध्या प्रकाशझोतात नसला तरी कार्यरत असणारा असावा.
क) कलाकाराची त्याच्या कलाक्षेत्रातील कर्तृत्वाची जेष्ठता सिध्द असावी.
ड) पुरुष कलाकार 50 वर्ष व स्त्री कलाकार 40 वर्षे यापेक्षा कमी वयाचा नसावा.
इ) कलाकार महाराष्ट्र राज्यातील किमान 15 वर्षे रहिवाशी असला पाहिजे. केवळ जन्मत: महाराष्ट्रीय कलाकारांचाच विचार मर्यादित न ठेवता ज्या इतर प्रांतीय कलाकारांनी महाराष्ट्रात स्थानिक होऊन एकनिष्ठेने गायन व संगीत कलेची सेवा केली आहे अशांचाही विचार केला जातो.

5) निवड व निर्णय समिती :-

1.	मा. मंत्री (सांस्कृतिक कार्य)	अध्यक्ष
2.	मा. राज्यमंत्री, सांस्कृतिक कार्य	उपाध्यक्ष
3.	मा. प्रधान सचिव (सांस्कृतिक कार्य)	सदस्य
4.	संचालक, सांस्कृतिक कार्य संचालनालय, मुंबई	सदस्य सचिव

तसेच या क्षेत्रातील 5 तज्ञ व्यक्तींची अशासकीय सदस्य म्हणून नियुक्ती करण्यात येते.

यापूर्वी खालील मान्यवरांना पुरस्कार प्रदान करण्यात आलेले आहेत-