भारत सरकार | महाराष्ट्र शासन
महाराष्ट्र हे एक अत्यंत पुरोगामी आणि सांस्कृतिकदृष्ट्या संपन्न असे राज्य आहे. अनेक कलाप्रकारांना आणि कलाकारांना महाराष्ट्राच्या या मातीने आणि रसिक प्रेक्षकांनी कायम प्रोत्साहन दिले आहे. विविध कला आणि कलाकारांप्रती राज्याच्या शासनकर्त्यांचा दृष्टीकोन उदार, सकारात्मक आणि प्रोत्साहनाचा आहे. सांस्कृतिक कार्य संचालनालयातर्फे शासकीय पातळीवरील सांस्कृतिक कार्यासंबंधीच्या योजना कार्यान्वित करण्यात येतात. या राज्यातील सांस्कृतिक अंगाची लोकांना माहिती व्हावी, एक प्रकारचे भावनात्मक ऐक्य निर्माण व्हावे, तसेच सांस्कृतिक क्षेत्रात काम करणाऱ्या संस्थांना प्रोत्साहन मिळावे या हेतूने महोत्सव आयोजित करण्यात येतात. त्यात राज्य नाट्य महोत्सव, राज्य चित्रपट महोत्सव, तसेच संगीत, नृत्य, तमाशा, कीर्तन, भजन, लोककला, खडी गमंत, शाहिरी आणि दशावतार महोत्सव इत्यादी विविध कला महोत्सव आयोजित करण्यात येतात. याशिवाय या संचालनालयातर्फे नाट्यप्रशिक्षण शिबिरे, तमाशा प्रशिक्षण शिबिरे, बालनाट्य प्रशिक्षण शिबिरे, कीर्तन प्रशिक्षण शिबिरे व शाहिरी प्रशिक्षण शिबिरे आयोजित करण्यात येतात. याशिवाय वयोवृद्ध, अपंग, आर्थिक स्थैर्य नसलेल्या कलाकारांना आर्थिक मदत प्रदान करणे, सांस्कृतिक कार्य क्षेत्रात कार्य करीत असलेल्या संस्थांना सहाय्यक अनुदान देणे इत्यादी कामे या संचालनालयाकडे आहेत. अधिक माहिती
सांस्कृतिक कार्य संचालनालय, मुंबई हे छत्रपती शिवाजी महाराज यांच्या 350 वा राज्यभिषेक दिनी दिनांक 1 ते 6 जून, 2023 या कालावधीत किल्ले रायगड येथे पायथ्याशी विविध सांस्कृतिक कार्यक्रमाचे आयोजन करण्यात येणार आहे. सदरील कार्यक्रमाच्या अनुषंगाने जाहिर निवेदनात देण्यात आलेल्या तपशीलानुसार कामाकारीता दरपत्रक बंद लिफाफ्यामध्ये सदर जाहिर निवेदन प्रसिध्द झाल्याचे तारखेपासून दिनांक 30.05.2023 रोजी दुपारी 2.00 वाजेपर्यंत शासकीय सुट्टया सोडून मोहोरबंद लिफाप्यात संचालक, सांस्कृतिक कार्य संचालनालय, पहिला मजला, जुने सचिवालय, महात्मा गांधी मार्ग, मुंबई ४०००३२ येथे पाठवाव्यात किंवा प्रत्यक्ष जमा करावी.
सांस्कृतिक कार्य संचालनालय, मुंबई हे छत्रपती शिवाजी महाराज यांच्या 350 वा राज्यभिषेक सोहळा निमित्त "शिवोत्सव" या सांस्कृतिक कार्यक्रमाचे आयोजन गेट वे ऑफ इंडिया येथे करण्यासाठी इच्छुक संस्थाकडून सदरील कामासाठीचे दरपत्रक बंद लिफाफ्यामध्ये सदर जाहिर निवेदन प्रसिध्द झाल्याचे तारखेपासून दिनांक 29.05.2023 रोजी दुपारी 2.00 वाजेपर्यंत जाहीर निवेदनमध्ये नमूद केलेल्या सर्व बाबी विचारात घेऊन सदर कार्यक्रम आयोजनाच्या दरपत्रक निविदा दि. 29.05.2023 रोजी दुपारी 2.00 वाजेपर्यंत शासकीय सुट्टया सोडून मोहोरबंद लिफाप्यात संचालक, सांस्कृतिक कार्य संचालनालय, पहिला मजला, जुने सचिवालय, महात्मा गांधी मार्ग, मुंबई ४०००३२ येथे पाठवाव्यात किंवा प्रत्यक्ष जमा करावी
