भारत सरकार | महाराष्ट्र शासन
महाराष्ट्र हे एक अत्यंत पुरोगामी आणि सांस्कृतिकदृष्ट्या संपन्न असे राज्य आहे. अनेक कलाप्रकारांना आणि कलाकारांना महाराष्ट्राच्या या मातीने आणि रसिक प्रेक्षकांनी कायम प्रोत्साहन दिले आहे. विविध कला आणि कलाकारांप्रती राज्याच्या शासनकर्त्यांचा दृष्टीकोन उदार, सकारात्मक आणि प्रोत्साहनाचा आहे.
महाराष्ट्र राज्य निर्मितीच्यावेळी तत्कालीन मा.मुख्यमंत्र्यांनी रंगमंचीय कलांचा विकास करण्याची जबाबदारी शासनाची आहे, या गोष्टीस मान्यता दिली. सन १९६०-७० या दशकातील पंचवार्षिक योजनांना मान्यता मिळताच सन १९७० साली मनोरंजन समितीचे सांस्कृतिक कार्य संचालनालयामध्ये रुपांतर करण्यात आले.
सांस्कृतिक कार्य संचालनालयातर्फे शासकीय पातळीवरील सांस्कृतिक कार्यासंबंधीच्या योजना कार्यान्वित करण्यात येतात. या राज्यातील सांस्कृतिक अंगाची लोकांना माहिती व्हावी, एक प्रकारचे भावनात्मक ऐक्य निर्माण व्हावे, तसेच सांस्कृतिक क्षेत्रात काम करणाऱ्या संस्थांना प्रोत्साहन मिळावे या हेतूने महोत्सव आयोजित करण्यात येतात. त्यात राज्य नाट्य, संगीत, नृत्य, तमाशा, कीर्तन, भजन, लोककला, खडी गमंत, शाहिरी आणि दशावतार महोत्सव इत्यादी विविध कला महोत्सव आयोजित करण्यात येतात. याशिवाय या संचालनालयातर्फे नाट्यप्रशिक्षण शिबिरे, तमाशा प्रशिक्षण शिबिरे, बालनाट्य प्रशिक्षण शिबिरे, कीर्तन प्रशिक्षण शिबिरे, शाहिरी प्रशिक्षण शिबिरे, विधीनाटय प्रशिक्षण शिबिरे, दशावतार प्रशिक्षण शिबिरे, दंडार प्रशिक्षण शिबिरे, खडीगंमत प्रशिक्षण शिबिरे, झाडीपट्टी प्रशिक्षण शिबिरे, संगीतबारी /लावणी प्रशिक्षण शिबिरे अशी प्रत्येकी दहा दिवसाचे या प्रमाणे एकूण ६० शिबिरे आयोजित करण्यात येतात. याशिवाय राजर्षी शाहू महाराज ज्येष्ठ साहित्यिक व कलावंत मानधन सन्मान योजनेतंर्गत कलाकारांना आर्थिक मदत प्रदान करणे, सांस्कृतिक कार्य क्षेत्रात कार्य करीत असलेल्या संस्थांना सहाय्यक अनुदान देणे इत्यादी कामे या संचालनालयाकडे आहेत. अधिक माहिती
सांस्कृतिक कार्य संचालनालय, मुंबई या कार्यालयाकरीता लेखन सामग्री खरेदीसाठी नोंदणीकृत उत्पादक/व्यावसायिक/पुरवठादारांकडून दि.19 ते 2९ सप्टेंबर, 2025 वेळ सकाळी १०.०० ते सायंकाळी ५.०० पर्यंत या कालावधीत दरपत्रके मागविण्यात येत आहेत.दरपत्रकांबाबतची सविस्तर माहिती, अटी व शर्ती सोबत जोडली आहे.
सांस्कृतिक कार्य संचालनालय, मुंबई या कार्यालयातील तसेच रंगभवन खुले नाट्यगृह, धोबीतलाव, मुंबई येथील अभिलेख्यावर वाळवी, उंदीर व मच्छर प्रतिबंधात्मक औषध फवारणीसाठी सोबत जोडलेल्या अटी व शर्तींनुसार दि. 18 ते 26.09.2025 या कालावधीत दरपत्रके मागविण्यात येत आहेत
राज्यातील लोककलावंतांना अनुदान पॅकेज-कलापथकांसाठी भांडवली खर्चासाठी अनुदान व कलापथकांना प्रयोगासाठी अनुदान 01-01-2008
राज्यातील लोककलावंतांना अनुदान पॅकेज-भजनी मंडळांना भांडवली अनुदान मंजूर करणेबाबत 11-08-2025
राजर्षी शाहू महाराज जेष्ठ साहित्यिक व कलाकार सन्मान योजनेकरिता अर्ज करण्यासाठी ०१ जुलैपासून सुरुवात.
विकसित महाराष्ट्र 2047 या उपक्रमांर्गत Vision Document तयार करण्यसाठी सांस्कृतिक क्षेत्रांशी संबंधित विविध योजना/उपक्रम याबाबत भविष्यात होणारे बदल विचारात घेऊन त्या अनुषंगाने अपेक्षित सुधारणा अंमलबजावणीसाठी सांस्कृतिक क्षेत्राशी संबंधित नागरिकांकडून सुचना मागविण्यात येत आहेत. याबाबतचे परिपत्रक सोबत जोडण्यात येत आहे.
